საქართველოს ექსპრეზიდენტ მიხეილ სააკაშვილს უკრაინის მოქალაქეობა ჩამოართვეს. ხუთშაბათს France 24 – ისთვის მიცემულ ინტერვიუში მან ეს ახსნა პრეზიდენტ პოროშენკოსა და მასთან დაახლოებული პირების მისწრაფებით ,,თავიდან მოიშოროს იგი’’ – ამ სათაურით აქვეყნებს France 24 მიხეილ სააკაშვილთან საუბრის შინაარსს ბეჭდურ ვერსიაში თანდართული ვიდეოჩანაწერით.
აწ უკვე მოქალაქეობის გარეშე
საქართველოს ექსპრეზიდენტ მიხეილ სააკაშვილი, რომელსაც უკრაინის მოქალაქეობა ჩამოართვეს, ოფიციალურ კიევს ეროვნული პოლიტიკური სცენიდან მისი გაყვანის მცდელობაში ადანაშაულებს.
,,გადაწყვეტილება მოქალაქეობის ჩამორთმევის შესახებ ჩემგან თავის დასაღწევად იქნა მიღებული. ეს პოროშენკოსთან დაახლოებული ოლიგარქების შურისძიებაა’’ – განაცხადა მან ხუთშაბათს, 27 ივლისს France 24 – თან ინტერვიუში შეერთებული შტატებიდან.
ყოფილმა ლიდერმა თავისი მოქალაქეობის კონფისკაციის შესახებ კიევის განცხადებიდან შეიტყო. განცხადებაში ამ გადაწყვეტილების ოფიციალური მიზეზად დასახელებულია ის, რომ ( ვციტირებთ – France 24 ), ,,მან 2015 წელს უკარინის მოქალაქეობის მოთხოვნის შესახებ განცხადებას არათუ გაყალბებული დოკუმენტები დაურთო, არ შეატყობინა იმ ბრალდებების შესახებ, რომელიც თბილისში ჰქონდა წაყენებული’’
,,ეს სასაცილოა – განუცხადა სააკაშვილმა France 24 -ს – არავის მსოფლიოში, ინტერპოლს, ყველა ქვეყანას უკრაინის ჩათვლით არ გაუზიარებია ეს ბრალდებები( საქართველოს მართლმსაჯულების მხრიდან). უკრაინის პროკურატურამ ორჯერ ოფიციალურად უარყო ეს ბრალდებები, როგორც პოლიტიკურად მოტივირებული’’
სააკაშვილის თქმით, მოქალაქეობის ჩამორთმევა მოყვა შეხვედრას უკრაინის პრეზიდენტსა და ქართველ ბიზნესმენ ბიძინა ივანიშვილს შორის, რომელიც გაზის გიგანტის ,,გაზპრომის’’ ძირითადი აქციონერია.
მაგრამ სააკაშვილი ამაზე გაჩერებას არ აპირებს ,, მე განზრახული მაქვს დავბრუნდე უკრაინაში. პეტრო პოროშენკო კორუფციის სენით არის შეპყრობილი, იგი კორუფციონერებთან არის შეკრული. მე გავაგრძელებ პოლიტიკურ ბრძოლას … ჩემი გეგმაა დავბრუნდე უკრაინაში და ვიბრძოლო ჩემს პარტიასთან ერთად.
დაბრუნება შეუძლებელია
პრეზიდენტმა პ. პოროშენკომ მიხეილ სააკაშვილისთვის 2015 წელს მინიჭებული მოქალაქეობის ჩამორთმევით თეორიულად გაუხსნა გზა მის ექსტრადიციას სამშობლოში . უკრაინის სახელნწიფოს მეთაურის გადაწყვეტილება შეუძლებელს ხდის ქართველი ექსპრეზიდენტის დაბრუნებას უკრაინაში – მიაჩნია პრეზიდენტის პარტიის უკრაინელ წევრს სერგუი ლეშჩენკოს.
ქარიზმატული რეფორმატორი მიხეილ სააკაშვილი საქართველოს ს ხელისუფლების სათავეში მოვიდა 2003 წელს ,,ვარდების რევოლუციის’’ შემდეგ და მრავალ გამარჯვებამდე მიიყვანა ქვეყანა თავისი მმართველობის ათი წლის მანძილზე. მოწინააღმდეგეები მას აკრიტიკებენ ავტორიტარული სტილისთვის დაგანსაკუთრებით რუსეთთტან 2008 წლის კატასტროფული ომისთვის. დრეს იგი იდევნება თავისი ქვეყნის მართლმსაჯულების მიერ ,,ხერლისუფლბის ბოროტადგამოყენების ბრალდებით’’, რასაც იგი პოლიტიკურად მოტივირებულს უწოდებს.
სააკაშვილი გვერდით ედგა მაიდნის მოძრაობას , რომლის კვალდაკვალ , 2014 წელს უკრაინის სათავეში პროდასავლური ხელისუფლება მოვიდა. ამის შემდეგ, 2015 წლის მაისში მას მიენიჭა უკრაინის მოქალაქეობა ქვეყნის სამხრეთში მდებარე ოდესის ოლქის გუბერნატორად დანიშვნის წინ.
ახლა კი მას ეს მოქალაქეობა ჩამოართვეს.
მიხეილ სააკაშვილმა გამორიცხა ის, რომ უკრაინაში დაბრუნებას ვერ შეძლებს.
საქართველოს ყოფილმა პრეზიდენტმა, მიხეილ სააკაშვილმა ბი – ბი – სი – ზე განაცხადა, რომ პირველივე შესაძლებლობის შემთხვევაში, უკრაინაში დაბრუნდება.
„უკრაინაში დავბრუნდები, ვინაიდან ხალხის მობილიზაციას ექნება ადგილი. როდესაც სრული მობილიზაცია მოხდება, რა თქმა უნდა, მე გვერდზე არ დავდგები, არ დავჯდები და არ ვუყურებ გვერდიდან ამ ბრძოლას. პოლიტიკური ბრძოლის ორგანული ნაწილი ვიქნები, რომლის ინიცირებაც მე მოვახდინე. ბრძოლის გაზრდასთან ერთად პირველივე შესაძლებლობის შემთხვევაში, რომელიც ძალიან მალე დადგება, მე, რა თქმა უნდა, უკრაინაში ჩავალ და ამ ბრძოლის აქტიური მონაწილე გავხდები“, – განუცხადა სააკაშვილმა „ბი-ბი-სი“-ს.