სახელმწიფო უსაფრთხოების სამსახურმა, ქრთამის მიცემის ფაქტზე შპს "ლადი 2011"-ის დამფუძნებელი დააკავა.
გამოძიების ინფორმაციით, ლანჩხუთის რაიონში, მდინარე სუფსას სანაპიროდან წიაღისეულის უკანონოდ მოპოვების მიზნით, დაკავებული გარემოს დაცვის სამინისტროს საქვეუწყებო დაწესებულებას დაუკავშირდა.
ბრალდებული გარემოს დაცვის სპეციალისტს მოპოვებული ინერტული მასალიდან, ქრთამის სახით, ყოველთვიურად ერთ კუბზე 50 თეთრს პირდებოდა. წინასწარ კი, 4 ათასი ლარი გადაიხადა.
გამოძიება ქრთამის მიცემის ფაქტზე მიმდინარეობს, რაც 4-დან 7 წლამდე თავისუფლების აღკვეთას ითვალისწინებს.