დღეს კიევში, მაიდანზე მიხეილ სააკაშვილის მხარდამჭერი აქცია გაიმართა. აქციის მონაწილეებმა მიხეილ სააკაშვილისთვის უკრაინის მოქალაქეობის ჩამორთმევა გააპროტესტეს.
მაიდანზე მომიტინგეებს ასამდე კაცი გამოეყო და პრეზიდენტის ადმინისტრაციის შენობისკენ გაემართა მიხეილ სააკაშვილისათვის მოქალაქეობის შეწყვეტის შესახებ ბრძანებულების გასაჯაროებს მოთხოვნით, როგორც „ტელეარხი 112“ იუწყება , მომიტინგეებმა პოლიციის მიერ დილიდან დამონტაჟებული წინაღობებისა და კორდონის გარღვევა სცადეს, მაგრამ ამის საშუალება არ მისცეს, რასაც მიხეილ სააკაშვილის მხარდამჭერებსა და პოლიციას შორის დაპირისპირება მოყვა. ისინი სკანდირებდნენ ,,ძირს ბანდა!'', ,, თუ არ შეგვიშვებთ, თავად გავარღვევთ ამ ბარიკადებს! '.
მას შემდეგ, რაც განრისხებულმა ხალხმა მართლაც ორგზის გაარღვია წინაღობები, პრეზიდენტის ადმიისტრაციამ მიიღო გადაწყვეტილება შენობაში ათკაციანი საინიციატივო ჯგუფის შეშვების შესახებ სახალხო დეპუტატ იური დერევიანკოს მეთაურობით .