2017 წელს ტყვიით დაბინძურებული პროდუქტის ოთხივე ნიმუში ზუგდიდშია აღმოჩენილი – დაიწყება თუ არა ზუგდიდელი ბავშვების სისხლში ტყვიის შემცველობაზე ცალკე კვლევა დაჩქარებული წესით?

0
432
2017 წელს ტყვიით დაბინძურებული ოთხივე ნიმუში ზუგდიდშია აღმოჩენილი ჯანდაცვის სამინისტრო ბავშვებში სისხლში ტყვიის შემცველობაზე  ცალკე კვლევას გეგმავს.   – ამის შესახებ მინისტრმა დავით სერგეენკომ განაცხადა. 
 
მისი თქმით, საკვებ პროდუქტებში ტყვიის შემცველობა გადაჭრით არ ნიშნავს, რომ მას ადამიანზე დამაზიანებელი მოქმედება აქვს, მაგრამ ამ რისკის ქვეშ მყოფი ადამიანების მდგომარეობის გამოკვლევა და ზომების მიღება აუცილებელია. 
 
მინისტრი არ აკონკრეტებს სახელდობრ როდის და სად დაიწყება ბავშვთა გამოკვლევები და ჩვენ შეიძლება  მხოლოდ ვივარაუდოთ ან ვისურვოთ, რომ ეს პირველ რიგში ზუგდიდში მოხდეს, რადგან  საქართველოში ტყვიის სკანდალის აგორების შემდეგ ჩატარებული კვლევის პირველადი შედეგებით , აქედან ერთ-ერთი პროდუქტი იმპორტირებულია, დანარჩენი ადგილობრივი წარმოებისა.
 
შეგახსენებთ, სურსათის ეროვნული სააგენტოს ცნობით,  ტყვიის გადამეტებული ოდენობა, უმეტესად, ადგილობრივი საქონლის ხორცში და ადგილობრივი წარმოშობის სხვა სურსათშია (მათ შორის, სასმელ წყალში) აღმოჩენილი. 

წინა სტატიაკიევში მიხეილ სააკაშვილის მხარდამჭერებსა და პოლიციას შორის დაპირისპირება მოხდა
შემდეგი სტატია,,ბავშვთა სამყაროს“ დირექტორი და შიდა უსაფრთხოების სამსახურის თანამშრომელი დააკავეს
ტელეკომპანია ოდიშის საინფორმაციო სამსახური