მიკროსაფინანსო ორგანიზაცია „ვივუსის“ ზუგდიდის ფილიალი დააყაჩაღეს. შემთხვევა კვირას, 23 ივლისს მოხდა. ფინანსური ორგანიზაციის ფილიალში, რომელიც მაღაზია „არაიში“ მდებარეობს, ერთი ნიღბიანი პირი შეიჭრა. არსებული ინფორმაციით, წაღებულია დაახლოებით 3 500 ლარი.
შინაგან საქმეთა სამინისტროს ინფორმაციით, მომხდარზე აღძრულია სისხლის სამართლის საქმე და გამოძიება 179-ე მუხლით მიმდინარეობს, რაც ყაჩაღობას გულისხმობს. უწყებისვე ინფორმაციით, ამ დრომდე დაკავებული არავინაა.
რაც შეეხება მიკროსაფინანსო ორგანიზაცია „ვივუსის“ ზუგდიდის ფილიალს – აღნიშნული შემთხვევაიდან გამომდინარე ის გუშინ არ მუშაობდა. სამუშაო პროცესი ფინანსურ ორგანიზაციაში მხოლოდ დღეს განახლდა.