მამაკაცი, რომლის გვამი გუშინ სოხუმში, ე.წ. , „სტარი პასიოლოკთან“, ხევში იპოვეს, გალის მკვიდრი, გ. ქვაჩახია აღმოჩნდა.
,,ოდიში ნიუსს '' ფაქტის გადამოწმების პროცესში სანდო წყაროებმა გალის რაიონიდან აცნობეს, რომ ცხედარი უკვე გადმოსვენებულია საკუთარ სახლში. ცხედარს ძალადობის კვალი აღენიშნება – მას რამდენიმე ჭრილობა აქვს მიყენებული დანით ზურგის არეში და როგორც ჩანს ხევში გადაგდებულია უკვე გარდაცვალების შემდეგ.
როგორც ირკვევა, გ. ქვაჩახია დააახლოებით ოცდაათი წლის ახალგაზრდა კაცია, იგი მუშად მუშაობდა სოხუმი, კერძო სახლების მშენებლობებზე. მკვლელობის მიზეზი და სავარაუდო მკვლელი ჯერჯერობით დაუდგენელია .