ქუთაისის საქალაქო სასამართლომ განიხილა გერმანიის ქალაქ ნიურნბერგში 2013 წელს ჩადენილ დანაშაულებში ბრალდებული გ.ჩ. – ს საქმე.და დამნაშავედ ცნო ჯგუფურად, ბინაში უკანონო შეღწევით ყაჩაღობასა და დამამძიმებელ გარემოებებში განზრახ მკვლელობაში.
და უვადო თავისუფლების აღკვეთა მიუსაჯა.- ინფორმაციას შსს ავრცელებს.
გამოძიების მასალების თანახმად, , 1986 წელს დაბადებულმა გ.ჩ.-მ და მისმა თანამზრახველმა – 1977 წელს დაბადებულმა ნ.ძ.-მ, რომელსაც ამავე დანაშაულისთვის ნიურნბერგ-ფიურტის მიწის სასამართლოს მიერ გერმანიაში უვადოდ თავისუფლების აღკვეთა აქვს მისჯილი, 2013 წლის ივნისში ქალაქ ნიურნბერგში, 1928 წელს დაბადებული ა.მ.-ის საცხოვრებელ ბინაში ფარულად შეაღწიეს, ბინის მესაკუთრეს ხელ-ფეხი შეუკრეს და გაგუდეს. შემდეგ აღნიშნულმა პირებმა ბინიდან, სხვა ნივთებთან ერთად, „როლექსის“ მარკის, 2 500 ევროდ ღირებული მაჯის საათი გაიტაცეს და შემთხვევის ადგილიდან მიიმალნენ.
ბრალდებული გ.ჩ ინტერპოლის მიერ წითელი ცირკულარით იძებნებოდა და 2016 წლის ნოემბერში, თბილისში დააკავეს.