დღეს დილის 11-ის ნახევარზე ადგილობრივი დროით  შვეიცარიის ქალაქ შაფჰაუზენის ისტორიულ ცენტრში მოქალაქეებს ბენზოხერხით შეიარაღებული მამაკაცი დაესხა თავს. იგი სადაზღვეო კომპანიის ოფისში შეიჭრა და 5 ადამიანი დაჭრა. ორი მათგანის მდგომარეობა კრიტიკულია.

 

ქალაქში და შემოგარენში ამ დრომდე მიმდინარეობს მასშტაბური სპეცოპერაცია მისი დაკავებისთვის. თავდამსხმელი იდენტიფიცირებულია. იგი ქალაქის მახლობლად ტყეში მცხოვრები 51 წლის  კაცი აღმოჩნდა, იარაღის უკანონო ტარებისთვის წარსულში ორჯერ ნასამართლევი  პირი.

 

ვრცელდება ძებნილის გარეგნობის აღწერილობაც – თვითმხილველები ამბობენ, რომ იგი გოლიათური აღნაგობისაა, სიმაღლით 1, 9 მეტრი.  

თავდასხმის მოტივი უცნობია.