შს სამინიტროს ცნობით გურჯაანის რაიონის სოფელ ვეჯინის გამგებელი კუკური ჯამატაშვილი ცეცხლსასროლი იარაღით დაჭრეს. გამგებელს გადაჭრილი თოფიდან ესროლეს. მას ჭრილობა ფეხის არეში აქვს მიყენებული და გურჯაანის რაიონულ საავადმყოფოშია გადაყვანილი. .დაჭრილის მდგომარეობა ამ ეტაპზე სტაბილურია
გავრცელებული ინფორმაციით, გამგებელს თავდამსხმელი საკუთარი სახლის ეზოსთან გაუსწორდა. ერთ-ერთი ვერსიით, ინციდენტი სადაო მიწის ნაკვეთს უკავშირდება. ადგილობრივების თქმით, ეჭვმიტანილი პოლიციაში საკუთარი ნებით გამოცხადდა.
შინაგან საქმეთა სამინისტრომ გამოძიება 117-ე მუხლით დაიწყო. ბრალდებული ცხელ კვალზე დააკავეს, თოფი კი ნივთმტკიცებად არის ამოღებული