რუსთავი 2 – ის გენერალური დირექტორის ნიკა გვარამიას გუშინდელ პრესკონფერენციას ხელისუფლების მხრიდან მძაფრი რეაქცია მოყვა.
,,როგორც ჩანს, გვარამია ვერ გამოდის წარსულის გავლენებიდან და ვერ ეგუება მდგომარეობას, როდესაც მედია დამოუკიდებელია და მისი პარტია ვერ აკონტროლებს – განაცხადა , ფრაქცია ”ქართული ოცნების” თავმჯდომარემ მამუკა მდინარაძემ.- . სახელმწიფო ყველაფერს აკეთებს მედიაპლურალიზმისა და თავისუფალი ფუნქციონირებისთვის. სწორედ ამისი ნათელი მაგალითია ”რუსთავი2”, რომელიც მიუხედავად უდიდესი საგადასახადო დავალიანებისა, დღემდე აგრძელებს თავისუფლად მუშაობას”
მდინარაძე გვარამიას განცხადებებს ხელისუფლების მიერ რუსთავი2 – ის არაკონკურენტულ მდგომარეობაში ჩაყენებისა და სხვა ტელეკომპანიების, პირველ რიგში ,,იმედის'' პრივილეგირების ღია მცდელობის შესახებ ჟურნალისტებზე იერიშის მიტანად და შეურაცხყოფად აფასებს.
,,ნიკა გვარამია ძველი ტრადიციისამებრ დღეს კიდევ ერთხელ მიიტანა იერიში ჟურნალისტებზე და პესკონფერენციის დიდი ნაწილი დამოუკიდებელი ტელევიზიის და ჟურნალისტების მძიმე შეურაცხყოფას მიუძღვნა.'' – აცხადებს მდინარაძე და ცინიკურად ადასტურებს ,,უდიდეს პატივისცემას თითოეული ჟურნალისტის, მათი პროფესიის, ზოგადად, თავისუფალი მედიის, მათ შორის რუსთავი 2 ის მიმართ,'' რომლის ფინანსური ბერკეტებით მოხრჩობის პროცესის მოწმეა მთელი ქვეყანა, მიუხედავად ამ კომპანიის მიმართ დამოკიდებულებისა.
სამაუწყებლო კომპანია ”რუსთავი2”-ის გენერალური დირექტორის, ნიკა გვარამის განცხადებით, მმართველი გუნდი ცდილობს კომპნიას ბოლო, ფინანსური დარტყმა მიაყენოს, რითაც მაუწყებელი ფუნქციონირებას შეწყვეტს. გვარამიას განცხადებით, ხელისუფლება ამ გზით, მათი კანდიდატისთვის, საარჩევნოდ საინფორმაციო ველის გასუფთავებას ცდილობს.