ბუდაპეშტის სტადიონზე უნგრელმა სამართალდამცავებმა რუსეთის სპორტულ დელეგაციას საბჭოთა სიმბოლიკიანი ფორმები გაახდევინეს

0
403
გუშინ, უნგრეთის დედაქალაქ ბუდაპეშტში,  სტადიონზე, სადაც მიმდინარეობს მსოფლიო ჩემპიონატი სპორტის საწყლოსნო სახეობებში , პოლიციამ რუსეთის დელეგაციის წარმომადგენლებს  აიძულა გაეხადათ  მაისურები,  წარწერით "საბჭოთა კავშირი"  და  ხუთქიმიანი წითელი ვარსკვლავის  გამოსახულებით. 
 
უნგრელმა სამართალდამცავებმა რუსეთის ქალთა და ვაჟთა წყალბურთელთა ნაკრებების სამწვრთნელო შტაბს განუმარტეს, რომ საბჭოთა სიმბოლიკა უნგრეთში ფაშისტურ სიმბოლიკასთანაა გათანაბრებული და კანონითაა აკრძალული. ამასთან გააფრთხილეს, რომ განმეორების შემთხვევაში მათ ემუქრებათ დაჯარიმება, შეჯიბრებაზე  აკრედიტაციის გაუქმება და  ქვეყნიდან გაძევებაც კი. 
 
რუსეთის ნაკრები ამ დროისათვის  ჩემპიონატის ლიდერია, მის აქტივშია ათი მედალი, მათ შორის 6 ოქროსი, სამი – ვერცხლისა და 1 ბრინჯაოსი. 
 

 

 

 

 

წინა სტატიაფოთში რეგიონული თეატრების საერთაშორისო ფესტივალი იხსნება
შემდეგი სტატიაGem Fest-ზე დღეს Martin Garrix დაუკრავს
ტელეკომპანია ოდიშის საინფორმაციო სამსახური