თბილისის საქალაქო სასამართლოში ე.წ. ციანიდის საქმის განხილვა დღეს 11:00 საათზე განახლდა
ამ დროისათვის სასამართლოში პატრიარქის მდივან რეფერენტის შორენა თეთრუაშვილის დაკითხვა მიმდინარეობს. შორენა თეთრუაშვილმა სასამართლოში შესვლისას მედიასთან კომენტარებზე უარი თქვა.
დღევანდელ პროცესზე ამ სკანდალურ მოწმესთან ერთად, დღეს დახურულ პროცესზე სინოდის წევრები და პატრიარქის სამდივნოს თანამშრომლებიც დაიკითხებიან. შესაძლოა, დღესვე მისცეს ჩვენება მეუფე იაკობმაც.
პარალელურად, დღეს უნდა გახდეს ცნობილი, რა გადაწყვეტილებას მიიღებს სააპელაციო სასამართლო "ადამიანის უფლებათა დაცვის ცენტრის“ სარჩელზე და მიიღებს თუ არა მას წარმოებაში პირველი ინსტანცია.
საქალაქო სასამართლომ არასამთავრობო ორგანიზაციის სარჩელი, რომელიც დეკანოზის უდანაშაულობის პრეზუმფციის დარღვევას ეხება, არ მიიღო წარმოებაში, რაც ზემდგომ ინსტანციაში გაასაჩივრეს.