ქრთამის აღებაში ბრალდებული თბილისის მერიის მაღალჩინოსნის ოთარ აბესაძის საქმის პროკურორის განცხადებით, ამავე საქმეში შესაძლოა გამოიკვეთოს სხვა მაღალი თანამდებობის პირების პასუხისმგებლობის საკითხიც.
მისი თქმით, დაკავებული ამ საქმესთან დაკავშირებით საუბრისას ახსენებს სხვა მაღალჩინოსანსაც, თუმცა ვისი სახელით და თანამდებობით სარგებლობდა აბესაძე, ამ ეტაპზე არ კონკრეტდება.
„მოცემულ საქმეზე არსებობს როგორც სატელეფონო ჩანაწერები, ასევე ვიდეო-აუდიო ჩანაწერები. ამ ეტაპზე სხვას ვერაფერ მოგახსენებთ, მაგრამ მერიის თანამშრომლების სახელებს იყენებს,“ – განაცხადა პროკურორმა.
თბილისის საკრებულოში დავით ნარმანიას წარმომადგენელს ბრალად ქრთამის აღება ედება. გამოძიების ვერსიით, ოთარ აბესაძემ ერთ-ერთ რესტორანს მშენებლობისთვის საჭირო ნებართვების მიღების სანაცვლოდ 3000 დოლარი გამოართვა. დღეს საქალაქო სასამართლომ მას წინასწარი პატიმრობა შეუფარდა