კაზაკთა რაზმი, რუსეთის უსაფრთხოების ფედერალური სამსახურის სასაზღვრო სამმართველოსთან ერთად, რუსეთ-საქართველოს საზღვრის დაცვაში მონაწილეობას მიიღებს. აღნიშნულის შესახებ სააგენტო „სპუტნიკი“ იუწყება.
რუსეთის უსაფრთხოების ფედერალური სამსახურის სასაზღვრო სამმართველოსა და „თერგის კაზაკთა“ დანაყოფს შორის 2013 წელს შეთანხმება დაიდო, „რუსეთის ფედერაციის სახელმწიფო საზღვრის დაცვის სფეროში დახმარების გაწევის თაობაზე“.
კაზაკთა დანაყოფს დაევალება სასაზღვრო ზონაში მყოფი პირებისთვის საბუთების შემოწმება, განმარტებითი სამუშაოს ჩატარება ჩრდილოეთ ოსეთის მცხოვრებლებისთვისა და სტუმრებისთვის, რათა მათ სასაზღვრო და სახელმწიფო საზღვრის რეჟიმი დაიცვან.
"ლეიბორისტული პარტიის" ლიდერი შალვა ნათელაშვილი კაზაკთა რაზმი რუსეთ-საქართველოს საზღვრის დაცვაში მონაწილეობას აფასებს, როგორც საქართველოს ოკუპაციისკენ გადადგმულ კიდევ ერთ ნაბიჯს.
მიიღებს. იგი მოითხოვს, რომ გაეროს უშიშროების სხდომა გაიმართოს, სადაც ოკუპირებულ რაიონებში შექმნილ ვითარებაზე იმსჯელებენ.
„გრძელდება აგრესია საქართველოს წინააღმდეგ. საქართველო – რუსეთის საზღვარს მოადგნენ კაზაკთა რაზმეულები, იგივე რუსული მხედრიონი. შემდგომ ეტაპზე დაგეგმილია მათი შემოყვანა ცხინვალის რეგიონში. საქართველოს მთავრობა, ივანიშვილის რეჟიმი, რომელიც გარიგებულია კრემლთან დუმილზე და გაჩუქებული აქვს საქართველო, რა თქმა უნდა, არანაირ ზომებს არ იღებს.
"მთავრობა უნდა ადგეს, ჩაჯდეს თვითმფრინავში, ჩავიდეს ნიუ იორკში და დადგან კარვები გაეროს ოფისის წინ. არ აიშალონ იქიდან, სანამ არ მოხდება რუსეთის უმაღლესი ხელმძღვანელობის დასჯა,“ – განაცხადა შალვა ნათელაშვილმა