აფხაზეთის მედიაში რამდენიმე წუთის წინ გავრცელდა ოკუპირებული აფხაზეთის ა დე ფაქტო პროკურატურის განცხადება რუს ტურისტებზე თავდასხმაში ეჭვმიტანილების დაკავების შესახებ
„რუს ტურისტებზე თავდასხმის საქმის გამოძიების ფარგლებში გუდაუთის რაიონში დაკავებულნი არიან ეჭვმიტანილები“, – განაცხადა დე ფაქტო გენერალური პროკურორის მოადგილემ ეშსოუ კაკალიამ.
მან არ დააზუსტა თუ რამდენი ეჭვმიტანილია დაკავებული. „გამოძიების ინტერესებიდან გამომდინარე, ამ ეტაპზე ვერ დავასახელებთ თუ რამდენი პირი დავაკავეთ“, – აღნიშნა მან.
11 ივლისს, აფხაზეთში დამსვენებელთა ჯგუფს ყაჩაღები დაესხნენ თავს. მოკლულია მოსკოველი დამსვენებელი. ყაჩაღებმა მკვლელობის ადგილიდან მისი ცოლშვილიც გაიტაცეს და რამდენიმე ხნის შემდეგ ტყეში დატოვეს.