ფოთში, მალთაყვის უბანში, მეთევზეებმა გუშინ აქცია გამართეს და პალიასტომის ტბაზე არსებული აკრძალვები გააპროტესტეს.
აქციის მონაწილეთა თქმით, თევზჭერას დაწესებული შეზღუდვების გამო ვერ ახერხებენ, არადა ეს მათთვის თავის რჩენის ერთადერთი წყაროა.
,,ყველანაირი ბადით თევზაობა არ შეგვიძლია, მისი სიმაღლე და სიგრძე განსაზღვრულია. პრაქტიკულად ასეთი ბადით სამი თევზის დაჭერაა შესაძლებელი. ნავის ძრავა 30 ცხენის ძალას არ უნდა აღემატებოდეს. როცა ოჯახს თევზჭერით ვარჩენ და სხვა ალტერნატივა არ გამაჩნია, მშიერი უნდა დავიხოცოთ? არ ვიპარავთ, ვშრომობთ და ეს მთავრობა ამასაც გვიზღუდავს“, – აცხადებენ ისინი.
აქციის მონაწილეების თქმით, კარგად ესმით, რომ .პალიასტომის ტბა კოლხეთის დაცულ ტერიტორიაში შედის და შეზღუდვების მოხსნას საკანონმდებლო ცვლილება სჭირდება, და ამიტომ გამოავალს კანონში ცვლილებების შეტანას მოითხოვენ, წინააღმდეგ შემთხვევაში აქციების გამართვით იმუქრებიან.