აფხაზეთში რუსი ტურისტი მოკლეს.
ოკუპირებული აფხაზეთის დეფაქტო შსს-ს ცნობით, ინციდენტი გუდაუთის რაიონის სოფელ აჩადარაში, ზღვაში შემდინარე ააფსთას ნაპირზე მოხდა.
დღეს, დილის 12 საათსა და 20 წუთზე მოსკოველი დამსვენებლების ჯგუფს, რომელიც სათევზაოდ იმყოფებოდა, ორი უცნობი ნიღბიანი პირი დაესხა თავს. ორივე დანებითა და ავტომატური ცეცხლსასროლი იარაღებით იყო შეიარაღებული.
თავდამსხმელებმა ტურისტებს ფული მოსთხოვეს. ერთ-ერთმა მამაკაცმა1984 წელს დაბადებულმა ანდრეი კაბანოვმა თავდამსხმელებს წინააღმდეგობა გაუწია, შედეგად ყაჩაღებმა მას ორჯერ ჩასცეს დანა გულ–მკერდის არეში და გაიტაცეს დაჭრილის მეუღლე და ორი მცირეწლოვანი შვილი, ასევე ოჯახის ახლობელი ქალი ორი შვილით და მიიმალნენ. იქ მყოფმა სხვა დამსვენებლებმა და ადგილობრივებმა კაბანოვი გამჭოლი ჭრილობებით, უმძიმეს მდგომარეობაში წაიყვანეს გუდაუთის ცენტრალურ საავადმყოფოშო, მაგრამ ექიმებმა მისი გადარჩენა ვერ შეძლეს''
ოპერატიული ღონისძიებების შედეგად ყველა გატაცებულის გამოხსნა მოხერხდა, მაგრამ შეშინებული ბავშვები ჯერაც შოკურ მდგომარეობაში არიან.
,,ამ დროისთვის დამნაშავენი იდენტიფიცირებული არ არიან, მიმინარეობს ოპერატიული–სამძებრო ღონისძიებები მათ დასაკავებლად – იუწყება აფხაზეთის ე.წ. გენპროკურატურის პრეს–სამსახური.