გუშინ საღამოს მოსკოვის უდიდეს სავაჭრო– გასართობ ცენტრ „რიოში'' ძლიერი ხანძარი გაჩნდა. არიან დაშავებულები, 18 ადამიანიდან ოთხი უმძიმეს მდგომარეობაშია. დაშავებულთა შორის ერთი ბავშვია.
ხანძარი იმ სართულზე გაჩნდა, სადაც ოკეანერიუმი და „ეკზოოპარკია“ განთავსებული. განსაკუთრებით გაჭირდა ხალხის გამოყვანა სიგნალიზაციის გადაწვის გამო დაბლოკილი სექტორებიდან იმ სექტორებიდან, მაგრამ საბოლოოდ ეს პრობლემაც გადაწყდა და სადაც და სავაჭრო ცენტრიდან ჯამში 3 ათასი ადამიანის ევაკუაცია განხორციელდა.
შენობაში რუსული მედიის ინფორმაციით, დაკვამლიანების ფართობი 70 ათას კვადრატულ მეტრს შეადგენს, მაგრამ კვამლის ფარდა ჩამოეფარა გაცილევით დიდ ტერიტორიას, ახლომდებარე რაიონებს, რამაც პანიკა გამოიწვია.
ხანძარს ხუთიდან მეოთხე სიძლიერის რანგი აქვს მინიჭებული.ხანძრის ჩაქრობაში ჩართული იყო 400 მეხანძრე, 110 ერთეული სახანძრო–სამაშველო და სპეციალური ტექნიკა, ორი ვერტმფრენისა და სახანძრო მატარებლის ჩათვლით.
ხანძრის ლიკვიდაცია მოსკოვის დროით 23.30 საათისთვის მოხერხდა.
რუსული მედია არაოფიციალურ წყაროზე დაყრდნობით იუწყება, რომ ხანძრის მიზეზი მოკლე ჩართვა გახდა.
,,მოსკოვში ბოლო ათწლეულების მანძილზე მსგავსი სიმძლავრის ხანძარი არ ყოფილა'' – წერენ ჟურნალისტები