წუხანდელი ღამე სტუდენტებმა და სამოქალაქო საზოგადოების წარმომადგენლებმა საოკუპაციო ხაზთან ღამე გაათენეს.
გუშინ აქციის მონაწილეები ახალსოფელთან შეიკრიბნენ და საპროტესტო მსვლელობით დაიძრნენ ბერშუეთისკენ . "არა ოკუპაციას," "რუსეთი ოკუპანტია," ამ ლოზუნგით აპროტესტებენ ისინი .ე.წ.საზღვრის გადმოწევას.
ახალგაზრდების საპროტესტო შეკრება სოციალური ქსელით დაიგეგმა და მისი მიზანი საოკუპაციო ხაზის გადმოწევაზე საზოგადოებრივი აზრის აქტუალიზება და ხელისუფლების გააქტიურებაა.
აქციაში ამჟამად 100-მდე ადამიანი მონაწილეობს, ისინი მოსახლეობას აქციაში მონაწილეობის მიღებისკენ მოუწოდებენ.
საოკუპაციო ხაზთან უსაფრთხოებას პოლიცია იცავს, ისინი აქციის მონაწილეებს, უსაფრთხოების მიზნით, ე.წ. საზღვართან ახლოს არ უშვებენ.