იაპონიის სამხრეთ დასავლეთ ნაწილში, კუნძულ კიუსიუზე კოკისპირულ წვიმებს წყალდიდობა მოყვა.
იაპონიის ვიცე პრემიერის ტარო ასოს შეფასებით სიტუაცია კრიტიკულია . დაიტბორა დასახლებები, ზოგიერთ რეგიონში მეწყერის ჩამოწოლამ ნგრევა გამოიწვია. განსაკუთრებით მძიმე ვითარებაა ფუკუოკასა პრეფექტურაში: განადგურებულია საავტომობილო გზები, ჩამორეცხილია რკინიგზა ქალაქ ჰიტაში, გარესამყაროს მოწყვეტილია ათეულობით დასახლება.
სინოპტიკოსების გაფრთხილებების საფუძველზე ხელისუფლებამ კუნძულის გარკვეული ნაწილიდან 100 ათასამდე ადამიანის ევაკუირება მოახდინა, მაგრამ მსხვერპლის თავიდან აცილება ვერ მოხერხდა :დაიღუპა სულ მცირე 6 ადამიანი, 20 კი ამ დრომდე დაკარგულად ითვლება. სამაშველო ოპერცია გრძელდება.
ქვეყანაში მომხდარის გამო, იაპონიის საიმპერატორო კარის საქმეთა სამმართველოს გადაწყვეტილებით გადაიდო პრინცესა მაკოს ქორწინების ოფიციალური გამოცხადება.
სინოპტიკოსები უახლოეს დღეებში ამინდის გაუმჯობესებას არ ელოდებიან.