სულ მცირე 10 ეგვიპტელი სამხედრო დაიღუპა, ოცი კი დაშავდა ეგვიპტეში, სინას ნახევარკუნძულის ჩრდილოეთ ნაწილში თვითმკვლელი ტერორისტების მიერ სასაზღვრო ქალაქ რაფასთან არსებულ ორ სამხედრო საკონტროლო – გამსვებ პუნქტზე ერთდროულად განხორციელებული ტერაქტის შედეგად.
ერთი ტერაქტი მოხდა, როცა შლაგბაუმის მიღმა შეიჭრა და აფეთქდა ორი დანაღმული ავტომობილი, მეორე კი – მცირე ხნით ადრე, როცა კიდევ ერტი საკონტროლო პუნქტის სიახლოვეს გზისპირას ჩადებულ ბომბზე აფეთქდა სამხედრო ჯავშნიანი მანქანა, რომელშიც პოლიციელები და სამხედროები ისხდნენ. დაღუპულია სამი, დაშავებულია ათზე მეტი ოფიცერი და ჯარისკაცი.
აფეთქებების შემდეგ ეგვიპტელ სამხედროებსა და ტერორისტებს შორის ატეხილ ორმხრივ სროლაში მოკლულია 40 ტერორისტი
პასუხისმგებლობა თავდასხმაზე ჯერ არავის აუღია.. თუმცა ადგილობრივ მედიაში გამოითქმის ვარაუდი, რომ ეს დაჯგუფება ,,ისლამური სახელმწიფოს"' ნახელავია.