თბილისის ზღვის ტერიტორიაზე ავტოავარია მოხდა, რის შედეგადაც ჩეჩნეთის ორი მოქალაქე დაიღუპა. გავრცელებული ცნობით, ტაქსის მძღოლმა საჭე ვერ დაიმორჩილა.
მანქანაში მჯდომი კიდევ ორი მგზავრი, ერთი რუსეთის და ერთი -საქართველოს მოქალაქე, დაშავებულია. ისინი საავადმყოფოში არიან გადაყვანილნი და თავს კარგად გრძნობენ.
შემთხვევა ღამის სამ საათზე მოხდა.
სამაშველო ჯგუფი მთელი ღამე მუშაობდა; ავტომობილი, რომელიც თბილისის ზღვის წყალსაცავში ჩავარდა, დღეს დილით ამოიტანეს.
სპეციალისტების განცხადებით, აღნიშნულის გამო წყალი არ დაბინძურებულა.