ქართველები ცხოვრობენ ევროპაში, აზიაში, ამერიკაში… ზოგი იქაური მოქალაქეა, ზოგი სწავლობს, ზოგიც მუშაობს და აქ ინახავს ოჯახს.
როგორ მივიღებდით ცნობას, რომ იქ მათ რწმენის ან ქართველობის გამო ავიწროებენ, სცემენ ან უკადრისად ეპყრობიან გონებადაბნელებული რელიგიური ან ულტრანაციონალისტი ექსტრემისტები?- სვამს კითხვას ნაციონალური მოძრაობის ერთერთი ლიდერი ნუგზარ წიკლაური საქართველოში უცხოელ მიგრანტა წინააღმდეგ აგორებულ კამპანიასთან და კოლექტიური ბრეგაძეების მიერ დაანონსებულ სხვადასხვა ,,მარშებთან"' კონტესტში.
,, გავიხსენოთ, როგორი შეურაცხმყოფელი იყო ჩვენი თანამემამულეების საბარგო თვითმფრინავებით გამოძევება ფაშისტური რუსეთიდან 2006 წელს!და თუ სხვისი უღირსი ქმედებები ჩვენიანების მიმართ მტკივნეული და აღმაშფოთებელია, რატომ გვინდა საქართველოს სტუმრებს მოვეპყრათ ისე, როგორც არ გვინდა, რომ ჩვენ მოგვექცნენ?
ან სად არის ტოლერანტობის, სხვისი რწმენის და ეთნიკური წარმომავლობის მიმართ შემწყნარებლობის ტრადიცია, რომელზეც ყველა ჩამოსულს სიამაყით ვუყვებით და მეჩეთზე და სინაგოგაზე მივუთითებთ?
თუ ველურის მორალი ვარჩიეთ იმას, რაც ისტორიულად ჩვენი კულტურული რაობის მთავარი ნიშანი იყო?''