თუ ჩვენს ქვეყანაში მართლმსაჯულება არსებობს, დეკანოზი გიორგი მამალაძე აუცილებლად იქნება ცნობილი უდანაშაულოდ – ამის საფუძველს ექსპერტების ჩვენებები იძლევა – განუცხადა ჟურნალისტებს ადვოკატმა მიხეილ რამიშვილმა ე.წ. ციანიდის საქმის გუშინდელი სასამართლო პროცესის დასრულების შემდეგ
"ამ ჩვენებების საფუძველზე შემიძლია ვთქვა, რომ დეკანოზი გიორგი მამალაძე აუცილებლად იქნება ცნობილი უდანაშაულოდ, თუ ჩვენს ქვეყანაში არსებობს მართლმსაჯულება. "თუ არსებობს მართლმსაჯულება"-ს იმიტომ ვამბობი, რომ სასამართლომ პატიმრობაში დატოვა მამა გიორგი, მიუხედავად იმისა, რომ პროკურატურას არ ჰქონდა არავითარი არგუმენტი იმისა, თუ რატომ უნდა იყოს მამა გიორგი პატიმრობაში. ვიმედოვნებ, იმ შეცდომას, რომელიც დღეს მოსამართლემ დაუშვა, განაჩენის გამოტანისას არ დაუშვებს. ეს უსამართლობა თუ გაგრძელდა, საქართველოში ნამდვილად არ დასრულდება. ამას არ დავამთავრებთ იმის ფონზე, რომ ვინმეს მივცეთ საშუალება და ნება, როგორც მას სურს, ისეთი სამართალი აწარმოოს, რადგან სამართალი ყველასთვის ერთია, ვინც არ უნდა იყოს, მაღალიც, დაბალიც, მსუქანიც და გამხდარიც", – აღნიშნა მიხეილ რამიშვილმა.
ე.წ. ციანიდის საქმის სასამართლო განხილვა 7 ივლისს გაგრძელდება