ლიანდაგებზე დაგებული ასფალტის ამბავი მიწყნარდა, მაგრამ ამჯერად სხვა ,,სიურპრიზი'' შემოგვთავაზეს – გურიაში, გზის ბახვი-ასკანის მონაკვეთზე ასფალტი ისე დააგეს, რომ ადგილობრივი მოსახლეობა საკუთარ სახლებში შესასვლელ კარებს ვეღარ აღებს.
ადგილობრივი ხელისუფლების წარმომადგენლები აღიარებენ, რომ გზის დაგების დროს შეცდომებია დაშვებული, მაგრამ აცხადებენ, რომ სამუშაოები არ დასრულებულა და მოსახლეობის პრობლემას გაითვალისწინებენ.
,,გურია ნიუსის'' ცნობით, 7 კილომეტრ-ნახევრიანი გზის სამუშაოები მუნიციპალური განვითარების ფონდმა დააფინანსა და ის 3 მილიონ 680 ათასი ლარი დაჯდა. სამუშაოებს ტენდერში გამარჯვებული კომპანია ”არქეოპოლისი” აწარმოებს, რომლის წარმომადგენლებიც აცხადებენ, რომ გზის რეაბილიტაცია პროექტის მიხედვით ჩატარდა.
რა პროექტი იყო ისეთი, რომ მოახლეობას სახლის კარი გადაუკეტა?
ამას დამატებული – სოფელ ასკანის მოსახლეობა ჩივის, რომ საგზაო სამუშაოების დროს სახლებს ბზარები გაუჩნდა. კომპანიის თანამშრომლებმა კი მოსახლეობას სანიაღვრე არხები შერჩევით გაუკეთეს. ადგილობრივი ხელისუფლების წარმომა გურიაში ერთი მოგვარებული პრობლემა ახალ თავსატეხად ექცათ.