ოკუპანტებმა ბერშუეთსა და სობისში სასაზღვრო ნიშნული დაახლოებით 500 მეტრით გადმოწიეს

0
415
რუსული საჯარისო დანაყოფის წარმომადგენლებმა დე ფაქტო სამხრეთ ოსეთის ე. წ. საზღვრის მიმდებარედ საფორთიფიკაციო სამუშაოები განაახლეს. 
 
სოფლების – ბერშუეთისა და სობისის განაპირას ე.წ. მესაზღვრეებმა ადგილობრივი მოსახლეობის კუთვნილ მიწის ნაკვეთებში ე. წ. საზღვრის აღმნიშვნელი კიდევ ერთი მწვანე ბანერი დაამონტაჟეს.  გორის მუნიციპალიტეტის გამგებლის წარმომადგენლის, დავით ცერცვაძის განცხადებით, აღნიშნული ბანერი ძველი ე. წ. სასაზღვრო ნიშნულიდან დაახლოებით 500 მეტრითაა გადმოწეული.
 
ბანერის განთავსების გამო, სოფელ ბერშუეთის მაცხოვრებლებს – ჩილინდრიშვილებსა და ხოდელებს რამდენიმე ჰექტარ სახნავ-სათეს ფართობზე წვდომა შეეზღუდათ.
 
ბოლო ორი წლის განმავლობაში ამ ტერიტორიაზე ინციდენტი ორჯერ მოხდა. ერთხელ, როცა ხოდელების ოჯახი მარცვლეულს თესავდა, ე.წ. მესაზღვრეებმა ოჯახის ორი წევრი დააკავეს და აღნიშნულ ფართობზე მუშაობა აუკრძალეს. 2016 წლის ზაფხულში კი, იგივე ადგილას ხის ბოძები დაამონტაჟეს და ჩილინდრიშვილების ოჯახს უკვე მოყვანილი ქერის მოსავლის აღების საშუალებას არ აძლევდნენ
წინა სტატიაზუგდიდში ლიანდაგის მოპარვის მცდელობისათვის ოთხი პირი დააკავეს
შემდეგი სტატიაგიორგი მარგველაშვილის მისალოცი წერილი დონალდ ტრამპს
ტელეკომპანია ოდიშის საინფორმაციო სამსახური