ევროპარლამენტარები, ალბათ, ძალიან მწვავე შეფასებებს გააკეთებენ იმასთან დაკავშირებით, რომ „ქართული ოცნება“ ერთპარტიულ კონსტიტუციას იღებს, – ერთიანი ნაციონალური მოძრაობის“ წევრი სალომე სამადაშვილი საუბრობს მოლოდინებზე, რომელიც უკავშირდება საქართველოს საპარლამენტო დელეგაციის სტუმრობას სტრასბურგში, სადაც ევროპარლამენტში საქართველოს მეგობართა ჯგუფის პირველი სხდომა უნდა გაიმართოს.
„იქმნება საქართველოსა და ევროპარლამენტს შორის თანამშრომლობის კომიტეტი, რაც მნიშვნელოვანია, ვინაიდან ადრე იყო ერთიანი კომიტეტი, რომელიც სამხრეთ კავკასიის სამივე ქვეყანას ფარავდა. ეს არის კომიტეტის პირველი საზეიმო სხდომა. რა თქმა უნდა, იმ დროს, როდესაც ვენეციის კომიტეტის დასკვნა დაიდო კონსტიტუციის პროექტზე, ევროპარლამენტი გააქტიურდება ამ საკითხზე, ვინაიდან მათთვის მნიშვნელოვანი იყო ვენეციის კომისიის დასკვნა. შესაბამისად, მე მოველი, რომ ევროპარლამენტარები, ალბათ, ძალიან მწვავე შეფასებებს გააკეთებენ იმასთან დაკავშირებით, რომ „ქართული ოცნება“ ერთპარტიულ კონსტიტუციას იღებს და კონსტიტუციის გარშემო არანაირი ნაბიჯები არ გადაიდგა პოლიტიკური კონსენსუსის მისაღწევად“
დელეგაციას პარლამენტის თავმჯდომარე ირაკლი კობახიძე ხელმძღვანელობს. დელეგაციის შემადგენლობაში შედიან დეპუტატები: თამარ ხულორდავა, ნინო გოგუაძე, დიმიტრი ცქიტიშვილი, ენზელ მკოიანი, ზურაბ ჭიაბერაშვილი, რომან გოცირიძე, გიორგი კანდელაკი, გიორგი მოსიძე და გიორგი ლომია.