სურსათის ეროვნული სააგენტო მედიასაშუალებებით ქართულ სანელებლებზე გავრცელებულ ინფორმაციას გამოეხმაურა. სააგენტოს მტკიცებით, ქართულ სუნელზე დღეს არანაირი შეზღუდვა არ მოქმედებს. ინფორმაცია რაც გავრცელდა, ასახავს 2015 წლის შედეგებს.
„სურსათის ეროვნული სააგენტო სრული პასუხისმგებლობით აცხადებს, რომ ქართულ სუნელზე დღეს არანაირი შეზღუდვა არ მოქმედებს. სააგენტო მუდმივად აწარმოებს მონიტორინგს და ლაბორატორიულ კვლევას”, – აცხადებენ სააგენტოში.
30 ივნისს მედიასაშუალებების ნაწილმა გაავრცელა ნიუ იორკის ჯანდაცვის დეპარტამენტის განცხადება ქართული წარმოების სანელებლებში ტყვიის მაღალი შემცველობის შესახებ, რაც სურსათის ეროვნული სააგენტოს ინფორმაიით, არის 2 წლის წინანდელი ინფორმაცია.
სააგენტო მოუწოდებს მედიასაშუალებებს, თავი შეიკავონ გადაუმოწმებელი ინფორმაციის გავრცელებისაგან. მაგრამ არ პასუხოვს კითხვაზე რა შეიცვალა 2015 წლის შემდეგ. სად წავიდა ტყვია , რომელსაც ჩვენი ბოსტანი მიწიდან და ჰაერიდან ისრუტავს?