პარლამენტში დღეს სახელმწიფო აუდიტის სამსახურის უფროსს ელოდებიან. ლაშა თორდია 2016 წლის ანგარიშით წარდგება.
ოპოზიცია გეგმავს ყურადღება გაამახვილოს დოკუმენტში მოყვანილ ყველა მნიშვნელოვან დარღვევაზე, მათ შორის თვითმმართველობებში გამოვლენილ კორუფციულ ფაქტებსა და თანხის არამიზნობრივ ხარჯვაზე.
ანგარიშის წარდგენის შემდეგ შეხვედრა გენერალურ აუდიტორთან კითხვა პასუხის რეჟიმში გადავა.
საპარლამენტო ოპოზიცია გეგმავს ისაუბროს თორდია-ფარცხალაძის ინციდენტზეც, რადგან როგორც „ენმ“-ის წევრები განმარტავენ, თავდასხმა აუდიტის სამსახურის საქმიანობას უკავშირდება.
„აუდიტის სამსახურის ანგარიში განსაკუთრებით საინტერესოა მას შემდეგ? რაც მოხდა თავდასხმა დღევანდელ ხელისუფლებასთან შეზრდილი ადამიანების მიერ, რაც არის სერიოზული ზეწოლა აუდიტის სამსახურის კანონიერ და გამართულ მუშაობაზე,“ – ამბობს "ენმ"-ის წევრი რომან გოცირიძე..