საქართველოსა და ამერიკის შეერთებულ შტატებს შორის დიპლომატიური ურთიერთობის 25 წლისთავთან დაკავშირებით მიღება გაიმართა კონგრესის წარმომადგენელთა პალატაში. მიღების ინიციატორი საქართველოს მეგობართა ჯგუფის თავმჯდომარე ტედ პო იყო.
შეხვედრაზე ყურადღება გამახვილდა ქვეყნებს შორის სტრატეგიულ ურთიერთობაზე, საუბარი იყო რუსეთის მცოცავ ოკუპაციასა და სამშვიდობო ოპერაციებში ქართველი სამხედროების დამსახურებაზე.
„25-მა წელმა, ვფიქრო,ბ დაადასტურა ის ძალიან მაღალი პარტნიორობის ხარისხი, ის სტრატეგიული ხასიათი ჩვენი პარტნიორობის, რომელიც გამოიხატება თავდაცვისა თუ უსაფრთხოების სფეროში, ეკონომიკურ თუ სავაჭრო სფეროში თანამშრომლობით, მაგრამ, ერთ-ერთი უმთავრესი ამ მხრივ იყო და რჩება აშშ-ის როლი საქართველოს ტერიტორიული მთლიანობის მხარდაჭერის თვალსაზრისით,“ – განაცხადა საქართველოს საგანგებო და სრულუფლებიანმა ელჩმა ამერიკის შეერთებულ შტატებში დავით ბაქრაძემ. .