რუსთავი 2-ის საერთაშორისო პროექტების პროდიუსერებმა დემნა ჯაფარიძემ და გიორგი ხაბურზანიამ რუსთავი 2 დატოვეს და ტელეკომპანია ,,იმედში" გადავიდნენ. ამის შესახებ ინფორმაციას სამაუწყებლო კომპანია რუსთავი 2-ში ადასტურებენ.
საინტერესოა სად წავა ის მეგა-შოუები, რომელთა ავტორებიც დემნა ჯაფარიძე და გიორგი ხაბურზანია არიან. საქმე ეხება ისეთ რეიტინგულ ტელე-პროექტებს, როგორიცაა ,,ნიჭიერი" და ,,X ფაქტორი".
იმ დროს, როდესაც რუსთავი 2-ში ფინანსური კრიზის დაიწყო, არხის დამფუძნებლებმა, ძმებმა ყარამანაშვილებმა განაცხადეს, რომ კრიზისის გამო მეგა-შოუებს არ დააფინანსებდნენ. პროექტების დახურვის თემაზე საუბარი მაშინ არხის გენერალურმა დირექტორმა ნიკა გვარამიამაც დაადასტურა და თქვა, რომ ,,მეგა-შოუების გარეშე არხი არაფერი იქნებოდა". როგორც ჩანს მეგა-შოუების დაფინანსებაზე დაწყებული კონფლიქტი გაღრმავდა, რის გამოც დემნა ჯაფარიძემ და გიორგი ხაბურზანიამ პროექტებთან ერთად რუსთავი 2- დატოვებს და იმედზე გადაინაცვლეს.
კულუარებში ამ ინფორმაციას ადასტურებენ, თუმცა ოფიციალური განცხადებისგან ჯერჯერობით თავს იკავებენ.
შეგახსენებთ, რომ სამაუწყებლო კომპანია რუსთავი 2 ცოტა ხნის წინ სპორტულმა წამყვანმა დიმიტრი ობოლაძემ დატოვა, უფრო მოგვიანებით კი კურიერის პოლიტიკური ბლოკის რეპორტიორმა ნატა მახვილაძემ. ორივე ჟურნალისტი სამუშაოდ ტელეკომპანია იმედში გადავიდა.