მთავრობის კანცელარიასთან უკვე მეხუთე დღეა დაზარალებული მეანაბრეები შიმშილობენ.
ისინი სახელმწიფოსგან მოითხოვენ მხარდაჭერას მიკროსაფინანსო კომპანია "საქართველოსთან" დავაში. აქციაზე შეკრებილები ამბობენ, რომ უკვე მე-8 თვეა მოითხოვნენ თავიანთი თანხის დაბრუნებას, აქამდე მიმართეს ყველა სამტავრობო სტრუქტურას, ყველა ორგანიზაციას მიმართეს, საერთაშორისო ორგანიზაციების გარდა, თუმცა უშედეგოდ. ამჯერად მათი მოთხოვნაა უშუალო შეხვედრა პრემიერ- მინისტრთან, და თუ სახელმწიფომ არ მიიღო შესაბამისი ზომები, არ გამორიცხავენ სტრასბურგის სასამართლოს.
გუშინ და დღეს სიტუაცია კანცელარიასთან დაიძაბა და აქციის მონაწილეებსა და პოლიციას შორის დაპირისპირებაში გადაიზარდა.
მეანაბრეები სამართალდამცველებს გაკრული ბანერების ჩამოხევაში ადანაშაულებენ.
კივილი და გაწევ-გამოწევა იყო ბოლო საათებშიც – პოლიცია დაზარალებული მეანაბრეების დაშოშმინებას ცდილობს.