ზუგდიდის გამგეობის თანამშრომლები ტვ "პირველის" ინტერაქტივში კახა კალაძის მხარდასაჭერად შეკრიბეს- allmedia.ge

ეკა ხერხეულიძე "ფეისბუქზე" რამდენიმე ფოტოს აქვეყნებს, რომელიც ზუგდიდშია გადაღებული. ფოტოებზე აღბეჭდილი არიან გამგეობის თანამშრომლები და ზუგდიდის საკრებულოს თავმჯდომარე მაიზერ ნანავა, რომლებიც სმარტფონებით ტვ "პირველის" Facebook გვერდის ინტერაქტივში თბილისის მერობის სავარაუდო სახელისუფლო კანდიდატს კახა კალაძეს უჭერენ მხარს. "ოლმედიის" ინფორმაციით, გამგეობის თანამშრომლები სამუშაო საათების დამთავრებამდე ცოტა ხნით ადრე გააფრთხილეს, რომ უნდა დარჩენილიყვნენ, დამუხტული ჰქონოდათ სმარტფონების აკუმულატორები და ერთობლივად დაეჭირათ მხარი კახა კალაძისთვის. ფოტოზე ჩანს, რომ ზოგ თანამშრომელს ხელში ორი სმარტფონიც კი უჭირავს."ოლმედიის" ინფორმაციით, იგივე სიტუაციაა სხვა ქალაქებისა და მუნიციპალიტეტების გამგეობებსა და საკრებულოებში – სახელმწიფო სტრუქტურებში მომუშავეებმა მკაცრი მითითებები მიიღეს, რომ კახა კალაძეს დაუჭირონ მხარი. ყველა რაიონში ინტერაქტივში მონაწილეობას პასუხისმგებელი პირი აკონტროლებს. შეგახსენებთ, ბოლო დროს ონლაინმედიის გამოკითხვებით ენმ-ს თბილისის მერობის კანდიდატი ზაალ უდუმაშვილი საგრძნობლად უსწრებდა როგორც კახა კალაძეს, ასევე ელენე ხოშტარიას, რომელიც "ევროპული საქართველოს" თბილისის მერობის კანდიდატია.

ზუგდიდის გამგეობის თანამშრომლები ტვ “პირველის” ინტერაქტივში კახა კალაძის მხარდასაჭერად შეკრიბეს- allmedia.ge

სიახლეები

დამწვარი კრემლის ბანერი უკრაინა-ისლანდიის მატჩზე

რუსეთის მასიური საჰაერო იერიშის შედეგად, კიევში აზერბაიჯანის საელჩოს შენობა დაზიანდა – ზელენსკი

ეუთო/ოდირი ოცნებას გამოხატვის თავისუფლების შემზღუდველი კანონების გაუქმებისკენ მოუწოდებს