დეკანოზ გიორგი მამალაძეს ეპიტემია მეუფე იაკობმა თვითნებურად, პატრიარქთან შეთანხმების გარეშე დაადო. – აცხადებს ბათუმისა და ლაზეთის ეპარქია მეუფე დიმიტრის სახელით გამოვეყნებულ განცხადებაში.
სადაც საუბარია იმაზე, რომ დაკავებულ დეკანოზს გამოძიების დასრულებამდე შეუჩერდება მღვდელმსახურის სტატუსი და ეპიტემია დაედება.
ეპარქია წინამძღვარის სახელით წერს: ,,ჩვენ ღრმად ვიყავით დარწმუნებული (ეს საპატრიარქოს წარმომადგენლებმა დაადასტურეს სატელევიზიო ეთერის საშუალებით), რომ ბოდბელი ეპისკოპოსის იაკობის მიერ დეკანოზისთვის ეპიტემიის (სასჯელის) დადება პატრიარქთან იყო შეთანხმებული და მისი ლოცვა-კურთხევით მოხდა, თუმცა ეს ამწუხაროდ არ აღმოჩნდა სიმართლე. ეპისკოპოსმა იაკობმა თვითნებურად მიღო ეს გადაწყვეტილება, რისი უფლებაც მას არ ჰქონდა,“- ნათქვამია განცხადებაში, რომელიც გუშინ გავრცელდა.
ამავე განცხადებაში ვკითხულობთ, რომ გუშინ , ბათუმისა და ლაზეთის ეპარქიის მღვდელმთავარს დაუკავშირდა საქართველოს საპატრიარქოს წარმომადგენელი და აუწყა მისი უწმინდესობის ლოცვა-კურთხევა, მას მიეღო გადაწყვეტილება დეკანოზ გიორგი მამალაძის ზიარებასთან დაკავშირებით.
ბათუმისა და ლაზეთის მიტროპოლიტმა დიმიტრიმ მიიღო გადაწყვეტილება, როგორც დეკანოზ გიორგი მამალაძის მაკურთხეველმა მღვდელმთავარმა, რომ გამოძიების დასრულებამდე შეუჩერდეს სამღვდელო ხარისხი და საღმრთო ზიარება. დანაშაულის დამტკიცების შემთხვევაში მისი საკითხი გადაეცეს წმინდა სინოდს შემდგომი გადაწყვეტილების მისაღებად.
,,ბათუმისა და ლაზეთის ეპარქია ლოცვითა და სასოებით ველოდებით, რომ დეკანოზი გიორგი მამალაძე დაამტკიცებს თავის უდანაშაულობას და დაუბრუნდება სამღვდელო დასს", – ნათქვამია განცხადებაში..