„საქართველოს რკინიგზის“ ფილიალ „მგზავრთა გადაყვანის“ დირექტორის მოადგილე დაჩი ცაგურია განმარტავს, რატომ გაიზარდა ბილეთების ღირებულება თბილის-ბათუმის  ხაზზე მოძრავ მატარებლებზე.

 

,, ბიზნესკლასითა და I კლასით მგზავრობა ბიუჯეტიდან დოტაციით არ უნდა ხდებოდეს, – აცხადებს იგი –   ეს არის ის მაღალი კლასის სეგმენტი, რომელიც მუდმივად ითხოვს მომსახურების მაღალ სტანდარტებს. „საქართველოს რკინიგზა“ და ზოგადად სამგზავრო გადაყვანები დოტაციურია, ბიუჯეტიდან სუბსიდირებით ხდებოდა. ჩვენ არ ვთვლით, რომ ეს გამართლებული იყო. ''

 

მისივე თქმით, 1-ელი ივლისიდან თბილისი-ბათუმის მიმართულებით რკინიგზის ბილეთის ფასის კორექტირება მხოლოდ ბიზნესკლასისა და I კლასის მგზავრებისთვის მოხდება. ეკონომკლასის მგზავრებისთვის მგზავრობის თანხა უცვლელი დარჩება. 

 მატარებლის 400 ბილეთიდან 351 ეკონომკლასისაა და ბილეთის ღირებულება ზაფხულის პერიოდში კვლავ 24 ლარი იქნება.

 

ბიზნესკლასის კატეგორიას, რომელიც  9 ადგილს შეადგენს, ბილეთის ფასი  100 ლარამდე გაიზარდა,  ხოლო I კლასის 40 ადგილზე  ბილეთის ღირებულება 60 ლარს შეადგენს.