საქართველოს რეგიონებში მაჟორიტარი დეპუტატების საქმიანობას მოსახლეობა ძირითადად უარყოფითად აფასებს. ასეთია რუსთავი 2 – ის ჟურნალიტების მიერ ჩატარებული გამოკითხვის შედეგები გურიის, იმერეთის, კახეთის, სამეგრელოს და სხვა რეგიონების ქალაქებსა და მუნიციპალიტეტებში.
რომ მივეცით ხმა, შევცდით – სამეგრელოში მოსახლეობის უმრავლესობა ეკონომიკურ პრობლემებზე საუბრობს. მათი უმრავლესობა მაჟორიტარების მიერ გაკეთებულ საქმეს ვერ იხსენებს. ადგილობრივები ინფრასტრუქტურულ პრობლემებზეც საუბრობენ.
„ხელში ჩაგდება უნდათ თანამდებობის, გლეხებს გამოიყენებენ, მერე გლეხი არავის არ უნდა,“ – ასე შეაფასა ზუგდიდის ერთ-ერთმა მცხოვრებმა მაჟორიტარების ადგილობრივებთან დამოკიდებულება.
ფოთში მაჟორიტარ ირაკლი ხახუბიას საქმიანობით უკმაყოფილებას გამოთქვამენ და აცხადებენ, რომ ძირითადი პრობლემა უმუშევრობაა.