კოლუმბიაში, საკურორტო ქალაქ გუატაპეს მახლობლად ჩაიძირა ტურისტული გემი, რომლის ბორტზე 170-მდე ადამიანი იმყოფებოდა.
ტრაგედიას, ოფიციალური მონაცემებით, 6 პირი ემსხვერპლა, 20-ზე მეტი დაშავებული საავადმყოფოშია გადაყვანილი. ამ ეტაპზე 16 დაკარგულ ადამიანს ეძებენ. სხვა 133 კი მაშველებმა გადაარჩინეს.
გემი გუშინ ჩაიძირა. გადარჩენილების თქმით, მათ ჯერ ძლიერი ხმაური გაიგეს, რის შემდეგაც გემი 5 წუთში ჩაიძირა. სამაშველო ოპერაციაში მყვინთავებთან ერთად, ავიაციაც მონაწილეობს.