"მოიზღვავე წიგნები" – ასე ჰქვია წიგნების გამოფენა-გაყიდვას, რომელიც დღეს ზუგდიდის ცენტრალურ ბულვარში მოეწყო და ორი დღის განმავლობაში გაგრძელდება. ღონისძიებაზე რვა ქართული გამომცემლობის სხვადასხვა ჟანრის, მათ შორის თანამედროვე ქართული და ნათარგმნიმხატვრული ლიტერატურა, საბავშვო, კულინარიული და სხვა წიგნებია წარმოდგენილი და ნებისმიერ მსურველს ექნება შესაძლებლობა 40-50% ფასდაკლებით შეიძინონ მათთვის სასურველი გამოცემა. ორდღიანი გამოფენა-გაყიდვის ორგანიზატორი წიგნების გამავრცელებელი კომპანია "ირიათონია", რომელიც მხატვრული ლიტერატურის პოპულარიზაციის მიზნით ატარებს აღნიშნულ აქციას. პროექტი "მოიზღვავე წიგნები" სამეგრელოსთან ერთად ქვეყნის სხვადასხვა რეგიონებშიც მიმდინარეობს.