"სპარის" ხელმძღვანელობა საასამართლომ ჯარიმისგან გაათავისუფლა და მხოლოდ გაფრთხილებით შემოიფარგლა.

ზუგდიდის რაიონულმა სასამართლომ დღევანდელ სხდომაზე სუპერმარკეტ "სპარის" ხელმძღვანელობა სამართალდამრღვევად ცნო. გადაწყვეტილება ამის შესახებ მოსამართლე მანუჩარ ცაცუამ გამოაცხადა. თუმცა, მან სავაჭრო ობიექტი ჯარიმისგან გაათავისუფლა და მხოლოდ გაფრთხილებით შემოიფარგლა. სუპერმარკეტის ხელმძღვანელი ჯარიმის გადახდისგან გათავისუფლებას ეთანხმება, თუმცა ამბობს, რომ მაღაზია უდანაშაულოა. გიორგი ნარმანია არ ეთანხმება მოსამართლის მიერ გამოცხადებულ იმ ნაწილს, სადაც ის სამართალდამრღვევად იქნა ცნობილი.გიორგი ნარმანიას განცხადებით, მას შემდეგ რაც სასამართლოსგან მიიღებს განაჩენის სარეზოლუციო ნაწილს, ის გადაწყვეტს გაასაჩივროს თუ არა დღეს გამოცხადებული განჩინება. გიორგი ნარმანია ამბობს, რომ რადგან ჯარიმის გადახდა არ დაეკისრა, ეს არ ნიშნავს იმას, რომ ის უდანაშაულოა.სუპერმარკეტ "სპარის" ზუგდიდის ფილიალი მიმდინარე წლის აპრილის თვეში, მუნიციპალური ნარჩენებით გარემოს დანაგვიანების ფაქტზე გარემოსდაცვითი ზედამხედველობის სამსახურმა დააჯარიმა, რაც საჯარიმო სანქციას 1 000 ლარის ოდენობით ითვალისწინებდა. მაშინ გიორგი ნარმანია აცხადებდა, რომ მათ კანონი არ დაურღვევიათ და ადგილი ჰქონდა მიზანმიმართულ ქმედებას სუპერმარკეტის წინააღმდეგ და ბიზნესზე ზეწოლას.

“სპარის” ხელმძღვანელობა საასამართლომ ჯარიმისგან გაათავისუფლა და მხოლოდ გაფრთხილებით შემოიფარგლა.

სიახლეები

გიორგი კანდელაკი და მასთან ერთად დაკავებულები პატიმრობაში გაუშვეს

ევროკომისიამ რუსეთის წინააღმდეგ მე-19 სასანქციო პაკეტი დაამტკიცა

გარემოს სააგენტოს ცნობით,22 სექტემბრამდე დასავლეთ საქართველოში იქნება ელჭექი, სეტყვა, შტორმი