საავტომობილო გზების დეპარტამენტმა ორი დღის წინათ გააფრთხილა მგზავრები და მძღოლები იმის შესახებ, რომ  თბილისი-სენაკი-ლესელიძის საავტომობილო გზის რიკოთის უღელტეხილის მონაკვეთი დროებით ჩაიკეტება და ტრანსპორტის გადაადგილება გვირაბის გვერდის ავლით ან თავად გვირაბში პერიოდული პაუზებითა და სპეციალური სქემით უნდა განხორციელდეს. 

 

„საერთაშორისო მნიშვნელობის თბილისი-სენაკი-ლესელიძის საავტომობილო გზის კმ.146-კმ.157 მონაკვეთში შ.პ.ს. „იბოლია“ ახორციელებს გზის მიმდებარე კლდოვანი ფერდობის ჩამოწმენდას, მეკლდეურების მეშვეობით, რის გამოც, 23 ივნისს 10:00 სთ-დან 18:00 სთ-მდე, პერიოდულად, საჭიროა ავტოტრანსპორტის მოძრაობის დროებითი გადაკეტვა, 15 წუთიანი ინტერვალებით, რამდენჯერმე. აღნიშნული რეჟიმით მოძრაობა ხორციელდება საპატრულო პოლიციის უშუალო ზედამხედველობით და კოორდინაციით. ავტოტრანსპორტის მოძრაობის ჩაკეტვა განხორციელდება თანდართული დროებითი მოძრაობის ორგანიზაციის სქემის შესაბამისად-  რიკოთზე ავტომობილების გადაადგილება პერიოდულად, გარკვეული ინტერვალით განხორციელდება და მგზავრები გადაადგილებას შეძლებენ.'' – ნათქვამი იყო  საავტომობილო გზების დეპარტამენტის მიერ გავრცელებულ  განცხადებაში. 

 

თუმცა, როგრც ჩანს, სპეციალურმა სქემამ და გრაფიკმა სათანადოდ ვერ იმუშავა –  რიკოთის გვირაბთან და რიკოთის უღელტეხილის მთელ მონაკვეთზე  გადაადგილება შეჩერებულია და მგზავრებს საათობით უხდებათ გაჩერება.

სააგენტოში ამას იმით ხსნიან ,  მეკლდეურების დახმარებით, ფერდობის ჩამოწმენდა მიმდინარეობს და გზის აღნიშნულ მონაკვეთზე, პერიოდულად, კლდის ნაშალი ცვივა, რამაც დამატებითი პრობლემები შექმნა. .