გუშინ მე-11 კლასელთა გამოსაშვები გამოცდები დასრულდა. გამოცდების ეროვნული ცენტრის ინფორმაციით, ბარიერის გადალახვის ყველაზე დაბალი პროცენტი ფიზიკაში გამოვლინდა. უკვე ცნობილია გეოგრაფიის, ბიოლოგიის, ფიზიკისა და ქიმიის გამოცდების შედეგები:
გეოგრაფია – 98%-ზე მეტი
ბიოლოგია – 95.5%
ქიმია – 95%
ფიზიკა – 85%
ინფორმაციას იმის შესახებ, თუ რამდენმა მოსწავლემ ვერ შეძლო ბარიერის გადალახვა, ოფიციალურად ჯერ არ გამოქვეყნებულა.
გამოსაშვები გამოცდები დასრულდა. ერთიანი ეროვნული გამოცდები კი 3 ივლისიდან ქართული ენისა და ლიტერატურის გამოცდით დაიწყება.
წელს საქართველოს მასშტაბით 23 საგამოცდო ცენტრი იქნება გახსნილი. საგამოცდო ცენტრებს, სავარაუდოდ თბილისში, ისანი-სამგორის რაიონში მდებარე 103-ე სკოლა დაემატება. ყველაზე დიდი საგამოცდო ცენტრი ისევ ტექნიკური უნივერსიტეტი იქნება, თუმცა იქ სექტორების რაოდენობა შემცირდება. შარშანდლის მსგავსად, წელსაც ეროვნული გამოცდები ნაწილობრივ ელექტრონული ფორმატით ჩატარდება.
ერთიანი ეროვნული გამოცდები 27 ივლისს დასრულდება.