ილო ელოშვილი: კახი კალაძის ადგილმონაცვლეობაზე უარს არ ვიტყვი, ვიფიქრებ ნამდვილად

0
408
ენერგეტიკის მინისტრის მოადგილე ილია ელოშვილმა ჟურნალისტებთან  მის მიერ კახი კალაძის სავარაუდო შეცვლაზე  ისაუბრა. როგორც  ელოშვილმა  განაცხადა, მას ჯერ ასეთი შეთავაზება არ მიუღია:
“ამის თაობაზე პრემიერ-მინისტრი იღებს გადაწყვეტილებას და საბოლოო ჯამში, ცნობილი გახდება მისი გადაწყვეტილების მიღების შემდეგ. ჯერ სამინისტროს ჰყავს ერთ-ერთი ყველაზე წარმატებული მინისტრი, ალბათ, ამ სამინისტროს არსებობის ისტორიაში. ის ჯერ არსად წასულა, არის ადგილზე, ასრულებს თავის ფუნქციებს და ამაზე საუბარი ნაადრევია. მე მაქვს ძალიან ბევრი საქმე და ნამდვილად არ ვფიქრობ, რა იქნება შემდეგ, თუკი მას მოუწევს წასვლა, რადგან ჯერ მისი წასვლის შესახებაც არ გაცხადებულა. მე ნებისმიერ გადაწყვეტილებას, რომელსაც ჩვენი პრემიერი და გუნდი დამავალებს, ისევე შევასრულებ, როგორც აქამდე შემისრულებია. ჩემთვის მთავარია ვიყო ამ გუნდის წევრი რადგან, მიმაჩნია, რომ ეს არის სამართლიანობისა და წინსვლის გუნდი. ჯერ არ შემოუთავაზებიათ, ვიფიქრებ. ნამდვილად, არ ვამბობ, რომ უარს ვიტყვი, მაგრამ ნამდვილად დავფიქრდები. მე 4 წელია მინისტრის მოადგილის პოსტზე ვარ, ძალიან კარგად ვიცი, რა გამოწვევებია და რა სირთულეები ახლავს ამას. ნებისმიერი თანამდებობა არის პასუხისმგებლობა. ასე ხელაღებით ვერ ვიტყვი, თუ ეს შემოთავაზება იქნება, უნდა გავიარო კონსულტაციები. ახლა ამაზე საუბარი საერთოდ არ არის”, – განაცხადა ელოშვილმა.
როგორც ცნობილია, ენერგეტიკის მინისტრი კახა კალაძე თბილისის მერის არჩევნებში იყრის კენჭს, მინისტრის პოსტს კი მისი მოადგილე, ილია ელოშვილი ჩაიბარებს.
წინა სტატიასააკაშვილი: “უკრაინაში აღარ შემიშვებენ, ვინაიდან პოროშენკო მოქალაქეობას ჩამომართმევს”
შემდეგი სტატიარაზე ხალისობს ბიძინა ივანიშვილი და სად იქნებოდა ახლა, სააკაშვილის სუპერ-პუმა და აეროპორტი რომ არა
ტელეკომპანია ოდიშის საინფორმაციო სამსახური