გადაუღებელმა წვიმამ ზუგდიდის მუნიციპალიტეტის სოფელ ზედა ეწერში პრობლემები შექმნა. ადგილობრივების განცხადებით, უხვი ნალექის გამო დაიტბორა რამდენიმე საცხოვრებელი სახლის ეზოები, სახნავ-სათესი სავარგულების მნიშვნელოვანი ნაწილი. მოსახლეობის განცხადებით, წლების განმავლობაში სანიაღვრე არხები მოუწესრიგებელია. კოკისპირული წვიმის შედეგად არხი წყალს ვერ ატარებს და გზის სავალ ნაწილზე გადადის, რის გამოც სააცტომობილო მოძრაობას აფერხებს. ზედა ეწერის მოსახლეობა დახმარებას ადგილობრივი ხელისუფლებისგან ელოდება.
ზუგდიდის მუნიციპალიტეტის გამგებლის მოადგილის, მამუკა წოწერიას განცხადებით, ადგილობრივი ხელისუფლება ამ მიმართულებით უკვე მუშაობს და ყველა პრობლემურ ტერიტორიაზე სანიაღვრე სისტემა მოწესრიგდება.
