სააპელაციო სასამართლომ ირაკლი ფირცხალავასა და გიორგი ცააძის მიმართ 12 წლიანი პატიმრობის გადაწყვეტილება ძალაში დატოვა. მოსამართლეთა კოლეგიამ გაითვალისწინა პროკურატურის არგუმენტები და ყოფილი სამართალდამცველები დამნაშავედ სცნო.
ფარცხალაძის და ცააძის პატიმრობაში დატოვების გადაწყვეტილებას დარბაზში ხმაური მოჰყვა.
დაკავებულების ადვოკატებს სასამართლოს ობიექტურობაში ეჭვი შეაქვთ და ისინი ამ საქმის გასაჩივრებას მესამე ინსტანციაში აღარ აპირებენ. დაცვის მხარე გეგმავს, რომ განაჩენი ევროპულ სასამართლოში გაასაჩივროს
კრიმინალური პოლიციისა და თბილისის სპეცნაზის მაღალჩინოსნებს 2006 წელს თბილისში კორტებთან ჩატარებული სპეცოპერაციის დროს ზურა ვაზაგაშვილისა და ალექსანდრე ხუბულოვის განზრახ მკვლელობა ბრალდებათ. თბილისის საქალაქო სასამართლოს გადაწყვეტილებით, ფარცხალაძეს და ცააძეს 12-12 წლიანი პატიმრობა აქვთ შეფარდებული, რაც დაცვის მხარემ სააპელაციო სასამართლოში გაასაჩივრა.