რიკოთის საავტომობილო გვირაბში 2017 წლის 21 ივნისიდან 26 ივნისის ჩათვლით, ყოველდღიურად, ღამის 00:00 სთ-დან დილის 07:00 სთ-მდე ყველა სახის ავტოტრანსპორტის მოძრაობა იკრძალება, ხოლო დღის დანარჩენ პერიოდში მოძრაობა თავისუფალია – ამის შესახებ მგზავრებსა და მძღოლებს საავტომობილო გზების დეპარტამენტი აფრთხილებს. უწყების მიერ გავრცელებულ განცხადებაში ნათქვამია, რომ ეს უკავშირდება მოვლა-შენახვის, კერძოდ, – გვირაბის თაღისა და სავალი ნაწილის გარეცხვის, ჰორიზონტალური მონიშვნისა და სხვა სამუშაოებს .
.სატრანსპორტო ნაკადის მოძრაობა განხორციელდება რიკოთის საავტომობილი გვირაბის შემოსავლელ გზაზე.
გვირაბის მარცხენა მიმართულებაზე (დასავლეთი-აღმოსავლეთი) მოძრაობა იკრძალება 21 ივნისიდან 23 ივნისის ჩათვლით, ყოველდღიურად, დილის 09:00 სთ-დან საღამოს 18:00 სთ-მდე, ხოლო მარჯვენა მიმართულებაზე (აღმოსავლეთი-დასავლეთი) – 24 ივნისიდან 26 ივნისის ჩათვლით, ყოველდღიურად, დილის 09:00 სთ-დან საღამოს 18:00 სთ-მდე.
ავტოტრანსპორტის მოძრაობის გადართვა განხორციელდება თანდართული დროებითი მოძრაობის ორგანიზაციის სქემების შესაბამისად.
ავტოტრანსპორტის ნაკადი გადაერთვება მარცხენა (დასავლეთ-აღმოსავლეთის მიმართულება) გვირაბში, ხოლო დასავლეთიდან აღმოსავლეთისაკენ მიმავალი ავტოტრანსპორტის მოძრაობა გადაერთვება გორის გვირაბის შემოვლით გზაზე. დროის ამ პერიოდში რიკოთის გვირაბის შემოსავლელ გზაზე 2 სხვადასხვა ადგილას უზრუნველყოფილი იქნება საბუქსირე მექანიზმების მორიგეობა.