,, აი, ამ პიჯაკების შეძენას მედავება გაზპრომის აქციონერი'' – ასეეხმაურება საქართველოს მესამე პრეზიდენტი მიხეილ სააკაშვილი მკვდრადშობილი ე.წ. პიჯაკების საქმის რეანიმაციის მცდელობას თავის პირად ფეისბუქგვერდზე.
,,მათთვის, ვინც ბევრს საუბრობს საქართველოში ჩემს წინააღმდეგ აღძრულ საქმეზე, სასარგებლო იქნება იმის ცოდნა, რომ მას შემდეგ, რაც მე დავასრულე ჩემი ორი საპრეზიდენტო ვადა და მივიღე წინადადება გადავსული ამერიკის შეერთებულ შტატებში ლექციების წასაკითხად, საქართველოს ხელისუფლებამ, გაზპრომის ყველაზე მსხვილი კერძო აქციონერის – ივანიშვილის ხელმძღვანელობით, დაიქირავა ათობით გადამდგარი პროკურორი ამერიკიდან, ინგლისიდან და ისრაელიდან, რომ ჩემი კორუფციული საქმიანობის რაიმე კვალი ეპოვათ მთელი მსოფლიოს მასშტაბით.
ერთი წლის განმავლობაში უშედეგო ძიების შემდეგ, ისინი იძულებული გახდნენ ეთქვათ, რომ ჩემს მიერ ჩადენილი კორუფციული დანაშაული ბუნებაში არ არსებობს.
ამის შემდეგ საქართველოს პროკურატურამ გადაწყვიტა პრეზიდენტის ადმინისტრაციის მიერ გაწეული ყველა ხარჯი, მიუხედავად იმისა, რომ ყველაფერი იყო კანონიერი და დოკუმენტალურად დასაბუთებული, გამოეცხადებინათ არამიზნობრივ ხარჯებად, ასეთ არამიზნობრივ ხარჯებად ჩაითვალა მაგალითად ის 28 ევრო, რომელიც დაიხარჯა საქართველოში ოფიციალური ვიზიტით მყოფ პრეზიდენტ იუშენკოსთვის თბილისის აბანოებში.
გუშინ ორწლიანი შესვენების შემდეგ, განახლდა სასამართლო სხდომა ეგრეთწოდებულ პიჯაკების საქმეზე. საქმეში ფიგურირებს ის 7 პიჯაკი, რომელიც შეძენილ იქნა ოფიციალური ღონისძიებებისთვის. გთავაზობთ ამ პიჯაკების ფოტოებს, პიჯაკები ჩემს საპრეზიდენტო ბიბლიოთეკაში ინახება. – წერს მიხეილ სააკაშვილი