თურქეთის პოლიციამ დღეს 42 პირი დააკავა ფეთჰულა გიულენის ორგანიზაციასთან თანამშრომლობის ბრალდებით.
დაკავებები მოხდა „აზია ბანკის“ საქმის გამოძიების ფარგლებში, რომელიც ბანკის ხელმძღვანელობისა და თანამშრომლების გიულენთან კავშირის დადგენისა და აღკვეთის მიზნით მიმდინარეობს.
თურქეთის მედიის ცნობით, სტამბოლის პროკურატურის მიერ გაცემულია ორდერი 78 პირის დაკავებაზე, ოპერაცია თურქეთის შვიდ პროვინციაში ჩატარდა, მაგრამ 36 პირმა მოახერხა მიმალვა. პოლიცია ჯერ კიდევ აგრძელებს ოპერაციას მათ დასაკავებლად.
„ბანკ აზიას“ ლიცენზია 2016 წლის 22 ივლისს გაუუქმდა, სახელმწიფო გადატრიალების მცდელობიდან შვიდ დღეში.