გუბერნატორის ადმინისტრაციაში სტიქიასთან დაკავშირებით საგანგებო შტაბის სხდომა გაიმართა

0
515

სამეგრელო-ზემო სვანეთის სამხარეო ადმინისტრაციაში, სტიქიასთან დაკავშირებით,  საგანგებო შტაბის სხდომა გაიმართა, რომელსაც  ინფრასტრუქტურის მინისტრის მოადგილე კახა გულედანი და გუბერანტორი ლევან შონია ხელმძღვანელობდნენ. საგანგებო თათბირზე, მუნიციპალიტეტის ხელმძღვანელმა პირებმა მინისტრის მოადგილეს სტიქიის ზონაში არსებული მდგომარეობის შესახებ მიაწოდეს ინფორმაცია. კახა გულედანის განცხადებით, ისინი გაეცნობიან იმ ადგილებს, რომელიც ძლიერმა წვიმებმა განსაკუთრებული პრობლემები შექმნა. მინისტრის მოადგილის განმარტებით, განახორციელებენ ყველა იმ ღონისძიებას, რომელიც საჭიროა მოსახლეობის პრობლემის მოსაგვარებლად.

სამეგრელო-ზემო სვანეთის გუბერნატორის განცხადებით მდგომარეობა საგანგაშოა და თუ უამინდობა კვლავ გაგრძელდა, შესაძლოა პრობლემები უფრო მასშტაბური გახდეს. მისივე თქმით, მიმდინარეობს ზარალის დათვლა და კონკრეტული ოდენობა ხვალისთვის იქნება ცნობილი.

სტიქიამ განსაკუთრებული პრობლემები წალენჯიხაში  შექმნა. მუნიციპალიტეტის გამგებლის, ბესიკ ფარცვანიას განცხადებით, ზარალი დიდია.

რამდენიმე დღიანმა გადაუღებელმა  წვიმებმა სამეგრელოს რეგიონი დააზარალა. სტიქიის შედეგად დაზიანდა შიდა გზები და საავტომობილო ხიდები. დაიტბორა ადგილობრივების კუთვნილი საკარმიდამო ნაკვეთები და სავარგულები. 
 
წინა სტატიაზუგდიდში ფუნქციონირება ბავშვთა და ახალგაზრდობის ადვოკატირების ცენტრმა დაიწყო.
შემდეგი სტატიაპრეზიდენტის საპარლამენტო მდივანი ვენეციის კომისიას რეკომედაციებს ეხმაურება
ტელეკომპანია ოდიშის საინფორმაციო სამსახური