გუშინ რუსთავში ავტოსაგზაო შემთხვევის შედეგად დაშავებული 7 წლის გოგონა, რუსთავის ცენტრალური საავადმყოფოს რეანიმაციულ განყოფილებაში რჩება.
ექიმების განცხადებით, მისი ჯანმრთელობის მდგომარეობა სტაბილურია და სიცოცხლეს საფრთხე არ ემუქრება.
გოგონას ავარიის შედეგად სხვადასხვა სახის დაზიანებები, მათ შორის თავის ტრავმა და მხრის მოტეხილობა აღენიშნება.
ავტოსაგზაო შემთხვევა რუსთავში მე-7 მიკრო რაიონის #9 საცხოვრებელი კორპუსის მიმდებარე ტერიტორიაზე ნ მოხდა. 7 წლის გოგონას „ოპელის“ მარკის ავტომანქანა შეეჯახა. მძღოლის ვინაობა დადგენილია და მიმდინარეობს გამოძიება. საქმე სისხლის სამართლის კოდექსის 276-ე მუხლის პირველი ნაწილით აღიძრა.