სოციალურ ქსელში გავრცელებული ინფორმაციით, როსტომაშვილზე თავდამსხმელი დეპუტატ ემზარ კვიციანის ოჯახის წევრია. ,, იცით ვინ მიჯირყვნა და ვინ გაექცათ ისნის პოლიციიდან? დეპუტატ ემზარ კვიციანის ოჯახის წევრი ! '' – წერს ინტერნეტმომხმარებელი მეგი გოცირიძე.
შეგახსენებთ, გუშინ იუმორისტ დათო როსტომაშვილს თავს დაესხნენ. არსებული ინფორმაციით, როსტომაშვილს თავს ნიღბიანი კაცი დაესხა. როსტომაშვილი ბეისბოლის ჯოხით არის ნაცემი და საკმაოდ მძიმე მდგომარეობაში ინგოროყვას სახელობის კლინიკაშია გადაყვანილი.
შემთხვევა დღისით-მზისით ყოფილი 5 დეკემბრის ქუჩაზე მოხდა.
შსს-ს პრესსამსახურის მიერ გავრცელდა ინფორმაცია, რომ ფაქტთან დაკავშირებით დაწყებულია აქტიური საგამოძიებო ღონისძიებები. გუშინვე ითქვა, რომ სამართალდამცველებმა ცხელ კვალზე დააკავეს ერთი პირი, თუმცა , როგორც აღმოჩნდა, იგი დაკავებისთანავე გაექცათ ისნის რაიონული პოლიციის სამმართველოდან. იდენტიფიცირებულია მეორე თავდამსხმელიც.